| قبضے میں جس کے ہر دم ہستی تمام ہے |
| کر دے جو چاہے کرنا مختارِ عام ہے |
| کونین میں جو سرور اُس کے حبیب ہیں |
| بعد از خدا اُنہی کا ارفع مقام ہے |
| قدموں تلے نبی کے ہستی رہی تمام |
| عرشِ الہ پہ اُن کا ثابت قیام ہے |
| نامِ نبی کے صدقے آدم ہیں باریاب |
| بابا کو مصطفیٰ سے آیا سلام ہے |
| بدلے نظامِ حق نے قوموں کے رات دن |
| آیا دہر میں اُن سے ایسا نظام ہے |
| بَخشش کے مُعجزے بھی دیکھیں گے حشر میں |
| مرضی جو کبر یا کی ویسا نظام ہے |
| بچنا ہے نار سے گر حدِّ ادب رہے |
| قرآں میں مصطفیٰ کا یہ احترام ہے |
| شاہوں کو ناز آئے جن سے سوال میں |
| محمود رتبے والا اُن کا غلام ہے |
معلومات