| نعتِ رسولِ پاک سے جو آشنا نہیں |
| حمدِ خدا کی بھی اسے ملتی جزا نہیں |
| مجھ پر خدا کے واسطے ہو اک نظر حضور |
| میرا تو کوئی دو جہاں میں آسرا نہیں |
| قائم ہے ان کے دم سے ہی یہ ساری کائنات |
| کس پر مرے حضور کا دستِ سخا نہیں؟ |
| دل سے پکارا آپ کو جب بھی کسی نے بھی |
| واللہ کوئی کام بھی اس کا رکا نہیں |
| قہرِ خدا سے وہ کبھی بھی بچ نہ پاۓ گا |
| جو بھی مرے حضور کے در کا گدا نہیں |
| میرے نبی کے ہاتھ کی طاقت نہ پوچھئیے |
| کیا؟ چاند یہ اشارے سے حاضر ہوا نہیں؟ |
| در پر بلا لو یا نبی اپنے عتیق کو |
| اس کے سوا حضور کوئی التجا نہیں |
معلومات