شہ بطحا تیری توقیر رہے

مِیرے دِل میں شَہِ بَطحا تِری تَوقِیر رَہے

آپ کے نام سے رَوشَن مِری تَقدِیر رَہے

ذِکرِ سَرکار سے آباد رَہے دِل کا چَمَن

گلشنِ دل میں سدا علم کی تَنوِیر رَہے

قَیدِ دُنیا سے نِکَل جاؤں عَقِیدَت میں تِری

مِری گَردَن میں تِرے عِشق کی زَنجِیر رَہے

اَپنے مَحبوب کے ہر حکم کی حکمت سَمَجھوں

مِرے سِینے میں سَدا عِشق کی تَفسِیر رَہے

جَب لِکھوں، جو بھی لِکھوں، آپ کی مَدحَت میں لِکھوں

مِرے اَشعار میں اُلفَت کی یُوں تا ثِیر رَہے

آپ کے دِین کا خادِم رَہے بَندہ یہ سَدا

آپ کے عِشق میں عَتِیق یُوں دِل گِیر رَہے