| خدا کی ساری مخلوقات میں ہیں انبیاء افضل |
| نبوت کے چمن میں ہیں حبیبِ کبریا افضل |
| معلم بن کے وہ آئے خدا نے دی کتاب ان کو |
| خدا کے بعد ہیں والله علم میں مصطفی افضل |
| خدا قسمیں اٹھاتا ہے جو شے منسوب ہے تجھ سے |
| کہا قرآن نے بے شک زمانہ آپ کا افضل |
| حسب افضل نسب افضل درو دیوار سب افضل |
| قسم رب کی مرے پیارے نبی کی ہر ادا افضل |
| نہ تھا نہ ہے نہ ہوگا کوئی اہلِ بیت کے جیسا |
| رسول الله کے گھر والوں میں بی بی فاطمہ افضل |
| صحابہ میں عتیق ان چار یاروں کے ہیں کیا کہنے |
| ابوبکر و عمر عثماں علی شیرِ خدا افضل |
معلومات