| غزل |
| کتنا ویران ہوں، انجان ہوں، حیراں ہوں میں |
| دھوپ سہتا ہوا انسان ہوں، حیراں ہوں میں |
| لوح محفوظ پہ جلتا ہوا آدم میں ہوں |
| میں کہ یوسف کا بھی زندان ہوں، حیراں ہوں میں |
| زندگی مجھ سے پریشاں ہے، مگر میں تو نہیں |
| چاہتوں کا کوئی عنوان ہوں، حیراں ہوں میں |
| رات گہری ہے مگر خواب سے جگنو لے کر |
| روشنی کا کوئی امکان ہوں، حیراں ہوں میں |
| زندگی راہ گزر، وقت کا دریا ہے مگر |
| خود سے الجھا ہوا طوفان ہوں، حیراں ہوں میں |
| میرے سائے بھی مرے ساتھ نہیں ہیں عامر |
| اپنے ہونے کا ہی نقصان ہوں، حیراں ہوں میں |
معلومات