| خوشبو خوشبو ، اجلے اجلے ، گل رخ رنگ رنگیلے ہونٹ |
| قطره قطره شبنم شبنم سجل چھیل چھبیلے ہونٹ |
| جی میں ہے کہ چوم لوں جا کر پاؤں میں اس جوگی کے |
| جس نے کالا منتر پڑھ کر ناگن جیسے کیلے ہونٹ |
| شائد کوئی بھنورہ بن کر باغ میں آنے والا ہے |
| سوہے جوڑے میں ملبوس ہیں لالہ زار سجیلے ہونٹ |
| یاد آتے ہیں اکثر مجھ کو رات کے پچھلے پہروں میں |
| کانوں میں میں رس گھولنے والے مایہ ناز رسیلے ہونٹ |
| دلہن کی مانند سجا کر اپنے آپ کو بیٹھے میں |
| جھلمل جھلمل ، افشاں افشاں، شرمیلے شرمیلے ہونٹ |
| جن کو چھو کر پھل جھڑیوں کے گلدستے کھل جاتے ہیں |
| کیوں نہ عاصم گھول پی لوں ایسے مست نشیلے ہونٹ |
معلومات