.jpg)
| پَڑھ کر دُرُود مانگو خَیرات خیر کی |
| اُنؐ کی طرف سے ہوگی بَرسات خیر کی |
| خَیْرُ الْاُذُنْ بھی ہیں وہؐ، خَیْرُ الْوَریٰ بھی ہیں |
| خَیْرُ الْبَشَر پہ ہر دَم صَلْوات خیر کی |
| قائد ہیں خیر کے وہؐ، قاسم ہیں خیر کے |
| اُنؐ پر ہیں ختم ساری غایات خیر کی |
| ہر لفظ اُنؐ کا دیکھو خَیْرُ الْکَلام ہے |
| اُتری ہیں اُنؐ پہ ساری آیات خیر کی |
| لاکھوں کَروڑوں قُدسی اُترے علؓی کے گھر |
| خَیْرُالنِّسَاؓء ہیں لائیں بارات خیر کی |
| خیرِ کثیر مانگو خَیْرُ الْاَنامؐ سے |
| ملتی ہیں اُنؐ کے دَر سے دَعْوات خیر کی |
| جس نے کیا چَراغاں عیدِ میلاد پر |
| رَب نے عطا کی اُس کو مِشکات خیر کی |
| بعد ازْ دُرُود میری آنکھیں ہوئی ہیں نَم |
| لو آگئی ہے دیکھو سَوغات خیر کی |
| آؤ غُلام آؤ بابِ کَریمؐ پر |
| دامن میں بَھر لو تُم بھی خَیرات خیر کی |
معلومات