| من طیبہ آ پہنچا یادوں کو سجانے دو |
| فُرقت میں ہوں دلبر کی کچھ اشک بہانے دو |
| کِیا دور خیالوں کو اِس یادِ مدینہ نے |
| اب دل میں جو ہوتا ہے وہ سب سے چھپانے دو |
| دیوانہ ہوں دلبر کا مالک ہیں جو اس جاں کے |
| اس نامِ محمّد کو سینے سے لگانے دو |
| مجرم ہوں پریشاں ہوں اورعِصیاں نے گھیرا ہے |
| کہتا ہوں کٹھن سے میں، ہٹ! بطحا جانے دو |
| ہو بس میں اگر میرے میں پہنچوں مدینے یوں |
| اے بادِ صبا میری فریاد کو جانے دو |
| میں رازِ دلی کہتا الفاظ اگر ملتے |
| ناکارہ ہوں بس مجھ کو اب نیر بہانے دو |
| ہے خُلد جو دنیا میں وہ شہر ہے دلبر کا |
| اب روضہ ہے نظروں میں گُن یارے کے گانے دو |
| یہ جان حزیں کی ہے، سرور کے لئے ہر دم |
| بردوں میں مجھے اپنا اب نام لکھانے دو |
| محمود درودوں کے مُجھے ہار بنانے ہیں |
| جانا ہے مجھے بطحا دامن کو سجانے دو |
معلومات