تم بھی کیا کیا کچھ لکھتے ہو |
لکھتے ہو جو سچ کہتے ہو |
مشکل میں گھر آ جاتے ہو |
یوں تو آوارہ پھرتے ہو |
مرنا ہے تو جی کے دکھاؤ |
جانے کس کس پر مرتے ہو |
جیون کس کے نام کیا ہے |
نام یہکس کا تم جپتے ہو |
کس بستی سے آئے ہو تم |
کس نگری میں اب رہتے ہو |
کوئی نہ مجھ سے اتنا پوچھے |
آخر کیوں آہیں بھرتے ہو |
جب ہر بات میں سچے ہو تم |
پھر کیوں تم اتنا ڈرتے ہو |
کس کے لئے دروازہ کھولے |
کھڑکی سے باہر تکتے ہو |
اپنے اندر جھانک کے دیکھو |
خود کو شاید تم دکھتے ہو |
اتنے دن کے بعد ملے ہو |
طارق تم اچھے لگتے ہو |
معلومات