.jpg)
| دِل جَلوں کا یہ حال کرتے ہو |
| جینا مَرنا مُحال کرتے ہو |
| کون روکے تِری نِگاہوں کو |
| تم نَظَر سے قِتال کرتے ہو |
| وقتِ بِسمِل ہَمی پہ اے قاتِل |
| مُسکرا کے کَمال کرتے ہو |
| جَلا کے مُجھ کو آگِ اُلفت میں |
| بے خُودی میں دَھمال کرتے ہو |
| حُسن کی بِجلیاں گِرا کے تم |
| میری ہَستی نِہال کرتے ہو |
| بَخش کر مُجھ کو پیار کی ثَروت |
| خُسرَوی بے مِثال کرتے ہو |
| جَانتے ہو جَواب بھی تُم ہو |
| دِل لَگی کو سَوال کرتے ہو |
| عِشق سے تم بدل کے بادہ کو |
| مَے کَشی کو حَلال کرتے ہو |
| چُھپ کے اپنی تجلیوں میں تم |
| خُود ہی دِیدِ جَمال کرتے ہو |
| غیر کا وہم اب نہیں آتا |
| پاک میرے خیال کرتے ہو |
| دِکھلا کے ہم کو چاندنی چہرہ |
| دُور حُزن و مَلال کرتے ہو |
| تاب دیتے ہو عِشق کی گاہے |
| میرا کتنا خیال کرتے ہو |
| دل کے ویرانے میں تِری محفل |
| رونقِیں یوں بَحال کرتے ہو |
| بن کے خَادم خُدا کے بندوں کا |
| رَاضی یوں ذُوالجَلال کرتے ہو |
| اِذن پانے کو تم حُضُوری کا |
| نقلِ عشقِ بِلال کرتے ہو |
| تم ہی مَن کی مُراد ہو دلبَر |
| مُلتَوی کیوں وِصال کرتے ہو |
| عِشق بخشو غُلام کو سَاقی |
| حَسرَتیں پائِمال کرتے ہو |
معلومات