| الہی ہے دل بے قرارِ مدینہ |
| عطا کر تو لیل و نہارِ مدینہ |
| دکھا دے الہی دکھا دے الہی |
| مجھے روبرو اب دیارِ مدینہ |
| مرے دل میں عشقِ محمدﷺ بسا ہے |
| نظر میں ہیں نقش و نگارِ مدینہ |
| الہی محمدﷺ کی قربت عطا کر |
| رہوں بن کے میں خاکسارِ مدینہ |
| وہاں موت آئے یہی آرزو ہے |
| ہو میرا بھی مدفن دیارِ مدینہ |
| خُدایا ہے ارماں مری روز محشر |
| شفاعت کریں تاجدارِ مدینہ |
| خدا جن کی زلفوں کی قسمیں اٹھائے |
| ہیں احسنؔ وہی افتخارِ مدینہ |
معلومات