| گُلشن سجا جس کے لیے، وہ مصطفٰے کی ذات ہے |
| ہے ضوفشاں جس سے جہاں، وہ سیدِ سادات ہے |
| ہے نور اُؤ بدرِ دجیٰ، ہے نور اُو شمسِ دُحیٰ |
| ہے گام اُن کا روشنی، آمد سجی کیا بات ہے |
| لولاك اُن کی شان ہے، میثاق اُن کی آن ہے |
| میلاد تاباں دن ہوا، مِعراج اُن کی رات ہے |
| پیدا زماں کِس کے لیے سارے جہاں کِس کے لیے |
| ہے وجہ کُن میرا نبی، جو فخرِ موجودات ہے |
| ماہِ اتم جانِ حِلم اُن کے حسیں جود و کرم |
| زینت جہانِ کن بنی سرکار سے خیرات ہے |
| اے خالقِ ہر این و آں اے مالکِ کون و مکاں |
| اِحساں ہیں تیرے مصطفیٰ اور نورِ جاں سوغات ہے |
| رحماں سے پیدا عالمیں محبوب جاں ہیں بالیقیں |
| رحمٰن رحمت ساتھ ہے، یہ مِہر کی برسات ہے |
| آئی نبی کی ذات ہے، کعبہ بتوں سے پاک ہے |
| میرے نبی کے مُعجزے، سب ظلمتوں کی مات ہے |
| دلدارِ ربِّ العٰالَمیں، ہے صاحبِ خُلقِ عظیم |
| وہ وجہِ کُن شاہِ زمن، جو سیّدِ سادات ہے |
| خلقِ خدا میں تاک ہے جو ذاتِ با برکات ہے |
| محمود جو اُن سے بڑا ہے، اللہ کی وہ ذات ہے |
معلومات