| آسماں خاموش ہے خاموش ہے ارضِ حرم |
| ہے مسلمانوں کی دنیا آج محرومِ کرم |
| جو جفاکش تھے جہاں سے وہ تو رخصت ہو گئے |
| عیش و آسائش کے خوگر ، رہ گئے اہلِ نعم |
| خانہ ویرانی مگر کہ اپنے ہاتھوں ہی ہوئی |
| کر گیا خاکسترِ در اک چراغِ صبحدم |
| ہو گئے محفل میں تنہا سوختہ ساماں ہوئے |
| نا ہی دنیا خوب تر نا خوب ہے عدن و ارم |
| بت پرستوں کے مظالم سے مجھے کیا ہو گلہ |
| حق پرستوں کی خموشی ہے یہ بالاۓ ستم |
| چھوڑ دی جب سے مسلماں نے روایاتِ خلیلؔؑ |
| ہو گیے بے خوف ان سے بت گر و اہلِ صنم |
| برہمن زادوں کی یہ ہے کوششِ پیہم کہ وہ |
| ہند کے بت خانوں کو اک دن بنا ڈالیں حرم |
| کس قدر کوشاں ہیں مذہب کے لئے ہندی نژاد |
| لے گئے ہیں مسلموں سے چھین کر کہنہ شیم |
| فرقہ بندی ، رنگ و نسل و ذات میں الجھے ہوئے |
| یہ مسلماں کیوں رکھیں گے اپنے مذہب کا بھرم |
| کیوں انہیں ہنگامۂ عالم کی کچھ پروا نہیں |
| کائناتِ رنگ و بو کے یہ بھیانک زیر و بم |
| کیوں انہیں احساسِ آثارِ مصیبت کچھ نہیں |
| ہند کے آفاق پر جو چھا رہی ہے دمبدم |
| سلطنت بھی چھن گئی ہے چھن رہا ہے دین بھی |
| دین و دنیا سے ہوئے جو اس قدر بیگانے ہم |
| ابنِ قاسؔم کی توقع عالمِ اسلام سے |
| کررہی ہے پھر سے مضطر آج میری چشمِ نم |
| آہ ! لیکن کون قلبِ مضطرب کو دے سکوں |
| عزم کی تلوار سے کر ریزہ ریزہ کوہِ غم |
| جبر و استبداد سے تو اپنا یارانہ رہا |
| حوصلوں میں جان ہے اب بھی ہے باقی ہم میں دم |
| کوئی رہبر راہ دکھلانے نہیں پھر آۓ گا |
| راہرو خود ہی اٹھا تو جانبِ منزل قدم |
| تیری دیرینہ روش کا ہے جہاں کو انتظار |
| منتظر ہے پھر تری یلغار کا شاہؔی ! عجم |
معلومات