| خدا کی رحمتوں سے ہیں منور فاطمہ زہرا |
| عطا ہو جو نبی کو ہیں وہ کوثر فاطمہ زہرا |
| ہیں اپنے باپ کی الفت کا مَنظر فاطمہ زہرا |
| نبی کہہ دیں جسے خود اپنی مادر فاطمہ زہرا |
| اگر وہ ہی نہیں ہوتیں تمہیں کیسے پھنچتا دیں |
| رسالت سے امامت کا ہیں محور فاطمہ زہرا |
| بنی خلقت محبت میں کہا ہے یہ مرے رب نے |
| جو پوچھا کون ہیں یہ زیرِ چادر فاطمہ زہرا |
| نبی بابا علی شوہر پسر حسنین ان کے ہیں |
| بنی بزمِ رسالت افضلِ گھر فاطمہ زہرا |
| دیا ہم کو یہ گھر جس نے وہ ہی مَحْوِ رِسالت ہیں |
| بنی یوں عَظْمَت و عِصمت کا مظهر فاطمہ زہرا |
| مٹانے کی بہت کوشش ہوئی تھی مُنکروں سے بھی |
| چلی ہے یوں نبی کی نسلِ اطہر فاطمہ زہرا |
| جَہَنَّم میں جلیں گے سارے غاصِب اور ترے منکر |
| یہی سب کو ملا قولِ پیمبر فاطمہ زہرا |
| زمانے بھر کے ہیں مشکل کشا بیشک علی مولا |
| مگر حیدر کی ہر مشکل میں یاور فاطمہ زہرا |
| ثنائے آلِ احمد میں کوئی چھوٹا نہیں ہوتا |
| ہوا مجھ کو شرف حاصل یہ سن کر فاطمہ زہرا |
| لکھوں اُن کے فضائل میں دعا میری جزا ہو بس |
| ہوئی مجھ پر عنایت آپ کے در فاطمہ زہرا |
| سُنا ہے حشر میں اُمت پُکارے گی نبی کو بس |
| مگر اس پل میں بولے گا یہ باقر فاطمہ زہرا |
معلومات