| اب شام ڈھلی بڑھنے لگے رات کے سائے |
| میں سو کے اٹھوں گا کوئی یہ آ کے بتائے |
| پرکھے گئے کرگس کے ہی معیار پہ ہم تو |
| شاہین تھے وہ ہم کو سمجھ ہی نہیں پائے |
| بے ضبط رہی ہم سے محبت کی گواہی |
| آنسو کبھی میں نے کبھی اس نے بھی چھپائے |
| مظلوم کا ظالم سے محبت کا سنا تھا |
| خواہش ہے کہ آ کے مجھے وہ اور ستائے |
| معلوم تھا مجھ کو کہ محبت میں فنا ہے |
| جو آگ لگی روح میں اب کون بجھائے |
| کیوں توڑا مجھے ڈھال تھا ہر لمحہ تمہاری |
| اب کون تمہیں آ کے زمانے سے بچائے |
| ہر ظلم کیا اس نے مری جان پہ شاہدؔ ! ! |
| حالت مری دیکھی تو پھر آنسو بھی بہائے |
معلومات