محبوبِ کبریا ﷺ کو ہمارا سلام ہو |
طیبہ کے بادشاہ ﷺ کو ہمارا سلام ہو |
ہر وقت چومتی ہے وہ روضہ رسول ﷺ کو |
چلتی ہوئی فضا کو ہمارا سلام ہو |
نورِ خدا برستا ہے آنکھوں سے آپ ﷺ کی |
اُن آنکھوں کی ضیاء کو ہمارا سلام ہو |
روتے رہے جو بخششِ اُمّت کے واسطے |
اُس نیک پارسا ﷺ کو ہمارا سلام ہو |
جس نے ہمیں دکھایا ہے رستہ نجات کا |
ہم سب کے رہنما ﷺ کو ہمارا سلام ہو |
عثمان رض کی سخاوتوں پر جاؤں میں نثار |
صدیق رض کی وفا کو ہمارا سلام ہو |
مل جائیں آپ ﷺ ہم کو ہمیں اور کیا چاہئے |
اے شوخ مصطفٰی ﷺ کو ہمارا سلام ہو |
معلومات