| تری جو آنکھوں میں نم نہیں ہے |
| مجھے بھی پھر کوئی غم نہیں ہے |
| بے درد لوگوں کے ساتھ رہنا |
| کسی اذیت سے کم نہیں ہے |
| جو شان دستار بن گئی تو |
| یہ جان دے کر بھی غم نہیں ہے |
| جو نم تھا مٹی کی جان ساقی |
| ابھی بھی مٹی میں نم نہیں ہے |
| مرے صنم کو برا کہے جو |
| کسی میں اتنا بھی دم نہیں ہے |
| ملے جو تیرے قدم کا رستہ |
| مری تو منزل سے کم نہیں ہے |
| قلم کرے سر قلم جو تیرا |
| وہ ہاتھ میرے قلم نہیں ہے |
| ستم کرے جو سبھی سے بڑھ کر |
| قسم سے میرا صنم نہیں ہے |
| GMKHAN |
معلومات