| دیر و حرم نہیں ، نہ ہی میخانہ چاہئے |
| جس حال میں ہوں اب مجھے ویرانہ چاہئے |
| سچ اور جھوٹ میں ابھی تفریق کیا کریں |
| کہنے کو آج کل فقط افسانہ چاہئے |
| شمع کو اب فروغِ بصیرت سے کیا غرض |
| شعلے کو داغنے کو تو پروانہ چاہئے |
| عقل و خرد کی کوئی کسوٹی نہیں چلی |
| پہچان کو یاں قصرِ امیرانہ چاہئے |
| غالب نے یہ کہا تھا کہ بچوں کا کھیل ہے |
| یہ کھیل ہے تو رخت بھی شاہانہ چاہئے |
| شاہدؔ تمہاری فہم کی قیمت نہیں کوئی |
| لیلیٰ کو قیس سا یہاں دیوانہ چاہئے |
معلومات