| رب کے لیے پچھلے پہر اٹھنے لگا میں اس طرح |
| اک شیرخوارَہ بھوک سے رونے لگا ہو جس طرح |
| ذکرِ خدا نے نفس کو قابو کیا کچھ اس طرح |
| دریا تھا اک بپھرا ہوا تھمنے لگا ہو جس طرح |
| آئینہ دل کو دھو دیا کچھ آنسوؤں نے اس طرح |
| رب خلوتوں کی آنکھ کو دکھنے لگا ہو جس طرح |
| اٹھنے کے قابل ہو گیا سب بوجھ اترے اس طرح |
| ہلکا ہوا من اس قدر اڑنے لگا ہو جس طرح |
| رب کے لیے سر بار ہا جھکنے لگا کچھ اس طرح |
| بے شرمی کے طوفان سے بچنے لگا ہو جس طرح |
| فکرِ خدا نے ذہن کو روشن کیا کچھ اس طرح |
| سورج چمکتا شرق سے اٹھنے لگا ہو جس طرح |
| خوفِ خدا میں ہر گھڑی ڈرنے لگا میں اس طرح |
| پرخار رہ پر پا کوئی دھرنے لگا ہو جس طرح |
معلومات