| ہم ان کے غلاموں میں دیوانے ہیں دلبر کے |
| دیتے ہیں جو جاں ان پر مستانے پیمبر کے |
| رب ان سے رضا پوچھے جب عرض کریں آقا |
| درجے ہیں عُلی کتنے اس ساقیِ کوثر کے |
| اُس دل سے ہوس جائے دیں دان جسے داتا |
| انعامِ فضیلت ہیں جو ٹکڑے ہیں اس در کے |
| جو بردہ ہے سرور کا داتا ہے تونگر کا |
| سرکار جو دامن کو رکھتے ہیں سدا بھر کے |
| کرے آنکھ منور یہ ہے خاک جو طیبہ سے |
| مل جائے اگر جس کو ہیں درجے مقدر کے |
| دل خستہ فراق میں ہے لمحات کٹھن گزریں |
| دیدار دکھا مولا اب یار کے اس گھر کے |
| محمود تو حیراں ہے ہادی کے یہ متوالے |
| دیتے ہیں جو جاں اُن پر اور دیتے ہیں خوش کر کے |
معلومات