| خدا را یہ دل جاں مدینہ میں رکھ لیں |
| نبی جی یہ مہماں مدینہ میں رکھ لیں |
| مزے میں اٹھاؤں حضوری کے دائم |
| اے دلدارِ ذیشاں مدینہ میں رکھ لیں |
| ہیں گُلزار جنت مدینے کے رستے |
| ہوں غم سے پریشاں مدینہ میں رکھ لیں |
| ہے عشقِ نبی مجھ کو تریاقِ کامل |
| اے مختارِ دوراں مدینہ میں رکھ لیں |
| لئے تیرے قدموں کے بوسے فلک نے |
| نبی شاہِ شاہاں مدینہ میں رکھ لیں |
| جو عیار دُشمن کے گھیرے میں آیا |
| یہ بندہ ہے ناداں مدینہ میں رکھ لیں |
| لٹا دوں حسیں در پہ کونین ساری |
| کروں جان قُرباں مدینہ میں رکھ لیں |
| ہوں نادار لیکن نبی کا ہوں بردہ |
| غموں سے پشیماں مدینہ میں رکھ لیں |
| میں دیکھوں وہ نوری جو آئیں مدینے |
| کرم نورِ یزداں مدینہ میں رکھ لیں |
| حرم میں منّور اے نبیوں کے سرور |
| اے برہانِ رحمٰں مدینہ میں رکھ لیں |
| اے محمود رحمت ہیں محبوبِ یزداں |
| ندا گر ہو سلطاں مدینہ میں رکھ لیں |
معلومات