| آپ مُختار ہیں المدد یا رسول |
| ہم خطا کار ہیں المدد یا رسول |
| کب ہے پیدا کہیں بھی طبیبِ جہاں |
| جیسے سرکار ہیں المدد یا رسول |
| میرے دل جان جی میرے سلطان جی |
| آئے بیمار ہیں المدد یا رسول |
| پورے گھیرے میں آیا ہوں طاغوت کے |
| نالاں لاچار ہیں المدد یا رسول |
| خالقِ دو سریٰ کے یہ محبوب جاں |
| شانِ شہکار ہیں المدد یا رسول |
| سارے مرسل کو دیدار اقصیٰ میں دیں |
| اعلیٰ سردار ہیں المدد یا رسول |
| یہ صفِ انبیا کے جو خاتم بنے |
| میرے سرکار ہیں المدد یا رسول |
| کانِ نُورِ ہدیٰ اے حبیبِ خدا |
| آپ غمخوار ہیں المدد یا رسول |
| کب ہیں اعمال میرے بنیں زادِ راہ |
| ناداں نادار ہیں المدد یا رسول |
| ہیں گناہوں کے انبار سر پر لیے |
| اب طلب گار ہیں المدد یا رسول |
| آپ مطلوب و مقصودِ محمود ہیں |
| رب کے دلدار ہیں المدد یا رسول |
معلومات