| غزل |
| مشتاق نظروں کو حسیں لب سے پذیرائی ملی |
| جوشِ حیا سے حُسن کو صَد رَنگ رَعنائی ملی |
| اس نے قیامت کی مرے دل پر گرائیں بجلیاں |
| جس روز اس نُو عمر کے جوبن کو انگڑائی ملی |
| تقسیم کی ہیں نعمتیں کس بے نیازی سے ستم |
| ان کو نوازا حسن سے، ہم کو شکیبائی ملی |
| صحرا بہ صحرا ڈھونڈتا پھرتا ہے مجنوں بے سبب |
| ہم کو ہجومِ شہر میں غم بستہ تنہائی ملی |
| آغوش میں میری وہ جنت ڈھونڈتا پھر آئے گا |
| جِس دِن مرے اُس نازشِ نرگس کو بینائی ملی |
| غم بستگی میں تم شہاب احمد لکھو اچھی غزل |
| نوکِ قلم کو خون سے گویا کہ زیبائی ملی |
| شہاب احمد |
| ۱۱ فروری ۲۰۲۵ |
معلومات