| وفا کی باتیں وفا کے قصے کہو گے تم جو تو دل دکھے گا |
| جفا کی باتیں جفا کے قصے کہو گے تم جو تو دل جلے گا |
| تمہیں سے منسوب ہیں جفائیں تمہیں سے منسوب ہیں خطائیں |
| خطا کی باتیں خطا کے قصے کہو گے تم جو تو دل بجھے گا |
| مجھے اٹھایا جو تم نے در سے بھٹک بھٹک کے بھٹک گیا میں |
| عطا کی باتیں عطا کے قصے کہو گے تم جو تو دل ڈرے گا |
| تمہاری الفت، تمہاری چاہت سدا سے بکھری ہیں کرچیوں میں |
| دعا کی باتیں شفا کے قصے کہو گے تم جو تو دل کڑھے گا |
| نبھانا تجھ کو کبھی نہ آیا نہ دل لگانا ہی تجھ کو آیا |
| بقا کی باتیں بقا کے قصے کہو گے تم جو تو دل لڑے گا |
| سبھی سے الفت کا مان رکھنا سبھی کو بانہوں کا ہار دینا |
| دغا کی باتیں دغا کے قصے کہو گے تم جو تو دل ہنسے گا |
معلومات