| احمد رضا چراغ ہدایت کا نام ہے |
| تاریکی میں وہ علم کا ماہ ِ تمام ہے |
| وہ جا نشین غوث ہے نائب حضور کا |
| فقہ میں بو حنیفہ کا قائم مقام ہے |
| اس نے جلا دیئے ہیں دیئے وہ قلوب میں |
| تاریکیوں کو پاؤں بھی دھرنا حرام ہے |
| کلکِ رضا نے سینکڑوں لاشے گرا دئیے |
| تھانہ بھون میں آج تلک ہائے رام ہے |
| بے دین اسکے نام سے چڑتے ہیں اس لئے |
| دینِ حضورِ پاک کو اس سے دوام ہے |
| اس کا تمام درس حبیبِ خدا فقط |
| وہ عاشقانِ روحِ جہاں کا امام ہے |
| صدیوں میں ایک گوہرِ نایاب تھا رضا |
| دامن میں اور کس کے بھلا اتنا کام ہے |
| کوثر دھلی زبان سے مدحِ حبیب کی |
| بے مثل و بے نظیر رضا کا کلام ہے |
| احمد رضا ہے سُنّیوں کے واسطے سند |
| جامیؔ بھی اس امام کا ادنیٰ غلام ہے |
معلومات