| ترا عشق تھا کوئی حرز جاں مرے جسم و جاں میں اتر گیا |
| کوئی موج تھی جو ٹھہر گئی کوئی طوفاں تھا جو گذر گیا |
| تھا وہ ذوق پھر یا خمار تھا یونہی سر پہ میرے سوار تھا |
| میں جو رتجگوں سے ملا نہ تھا ترے عشق سے ہی بکھر گیا |
| ترے ساتھ جینا محال تھا ترے بعد مرنا کمال تھا |
| تھی عجیب حالتِ زندگی کبھی جی اٹھا کبھی مر گیا |
| غمِ زندگی غمِ عاشقی مری تشنگی مری سادگی |
| مرے پاس تھا مرا حوصلہ مرے ہاتھ سے وہ ہنر گیا |
| اسی موڑ پر اسی راہ پر کوئی آج چپکے سے جل گیا |
| ترے نام سے تری ذات پر مرا در گیا مرا گھر گیا |
| مرے چارہ گر مرے ہم نوا ہیں رقیب تجھ کو عزیز تر |
| تری اس ادا پہ اے دلربا میں بکھر گیا میں اجڑ گیا |
| تری بے رخی مری بے کسی مری زندگی تری دل لگی |
| جو نہ سن سکا مری عرضیاں مرے نام سے ہی مکر گیا |
معلومات