| نبی کے نام لیوا ہیں مدینہ دوڑے جائیں گے |
| غموں کو مات دینی ہے نبی سے خیر لائیں گے |
| درودوں کے محبت سے بنائیں گے حسیں گجرے |
| درِ رحمت پہ ہم جا کر قصیدے اُن کے گائیں گے |
| پکڑ لیں گے سخی چوکھٹ ندائیں دل سے نکلیں گی |
| ابر ان کے کرم کے پھر عطائیں ساتھ لائیں گے |
| گھٹائے نور چھائے گی فلک انوار برسیں گے |
| عطائے کبریا سے ہم یہ جھولی بھر کے جائیں گے |
| نہ چھیڑے بھولے سے کوئی فدا ہیں مصطفیٰ کے ہم |
| بھسم ہوں گے عدو ان کے یہ دشمن تلملائیں گے |
| ندا کرتے ہیں سب مل کر کرم کر دیں نبی سرور |
| مدینہ کا ارادہ کر نبی پیارے بلائیں گے |
| صدا تیری یوں پہنچے گی مزین کر درودوں سے |
| فرشتے ہر دعا کو پھر حریمِ ناز لائیں گے |
| عطا محمود آقا کی عوامی ہے سدا ہر جا |
| نبی کے پاس آ جاؤ مقدر جگمگائیں گے |
معلومات