| مداحِ اعلیٰ جن کا پرور د گار ہے |
| ان کو ملا ہے رتبہ جو شان دار ہے |
| جاری ثنائے خواجہ ہر آن دہر میں |
| سرکار سے خدا کا اک طرفہ پیار ہے |
| ہے دخشاں یہ چمن بھی جن کے جمال سے |
| ان سے ہیں رونقیں سب ان سے بہار ہے |
| اسرار یزداں کے ہیں ہادی کے علم میں |
| واحد خدا نبی کا اک راز دار ہے |
| بے مثل جن کو کہتا سارا جہان ہے |
| خلقِ خدا میں اعلیٰ وہ عہدہ دار ہے |
| سلطان ان کے در پر آتے ہیں سر نگوں |
| قاسم جو نعمتوں کا اور تاجدار ہے |
| عرضی ہے میرے دل کی عالی جناب سے |
| در پر بلالیں ہادی اب انتظار ہے |
| رازِ محمدی کو مولا ہے جانتا |
| رازِ نہاں ہے بستہ جو آشکار ہے |
| کوثر ملی نبی کو مولا کے ہاتھ سے |
| جن کی سخا سے ہمدم لطفِ بہار ہے |
| لرزے عدو ہیں ان کے ہر آن ہر گھڑی |
| توفیق ہے یہ رب کی جو ان سے پیار ہے |
| محمود مصطفیٰ ہی رب کے حبیب ہیں |
| جن کے حجر میں یہ دل اب اشک بار ہے |
معلومات