| درِ مصطفیٰ پر چلیں بے سہارو |
| کمر باندھو اپنی چلو غم کے مارو |
| ہے قسمت جہاں کی بدلتی یہاں پر |
| کرم کا نگر ہے حسیں جاں نثارو |
| سخی دلربا خود عطا بانٹیں اس جا |
| فقط داماں تھامیں چلیں ساتھ یارو |
| یہ دربارِ عالی رسولِ امیں ہے |
| ہے قصرِ شہنشاہ ادب سے پکارو |
| ہیں سلطاں جہاں کے گرے اُن کے در پر |
| مدینے میں آئے ہو قسمت سنوارو |
| کہاں ہجرِ جاناں میں ہے چین حاصل |
| مبارک ہو مل کر چلیں دلفگارو |
| ہے محمود مدحت سرا مصطفیٰ کا |
| درودوں کے گجرے سجانا بہارو |
معلومات