.jpg)
| نِشانِ زِندگانی ہوں اَگرچہ جِسمِ فانی ہوں |
| مَکینِ لا مَکانی ہوں میں رُوحِ غَیر فانی ہوں |
| حَقیقت ہے عَیاں میری مُحبت ہے زُباں میری |
| مُحبت کا مَعانی ہوں مُحبت کی نِشانی ہوں |
| وہ مر کر بھی نہیں مرتے جو تُجھ سے ہیں وَفا کرتے |
| سَبق جو دے وَفا کا دے وَفا کی میں کہانی ہوں |
| فرشتے سجدہ کرنے سے بَھلا اِنکار کیوں کرتے |
| جو غَالب ہے اَزل سے ہی میں وہ حُکمِ رَبانی ہوں |
| اَلاؤ ہے مِرے مَن میں کہ جیسے دُھوپ ہو بَن میں |
| فُغانِ بے زُبانی ہوں جُنوں کی میں جوانی ہوں |
| مِرے رقصِ جُنوں پر تو مَچلتا ہے جَہاں سارا |
| عُروسِ کامرانی ہوں قَلندر فِیْ زَمانی ہوں |
| مِری پہچان تُجھ سے ہے تِری پہچان مُجھ سے ہے |
| صَدائے لَنْ تَرَانِیْ ہوں تِرا حُسنِ یَگانی ہوں |
معلومات