| خدا کے نور سے معمور ہے شمس الدحی چہرہ |
| دلیلِ صدق کامل ہے مرے محبوب کا چہرہ |
| ہوا جنت کا وارث جس نے بھی ایمان سے دیکھا |
| حبیبِ کبریا، نورِ خدا کا والضحی چہرہ |
| جدھر چاہا ادھر ہی قبلے کا رُخ کردیا رب نے |
| اٹھا جب آسماں کی طر ف ان کا خوش ادا چہرہ |
| نظر چہرے پہ پڑھ جاۓ اجالا دل میں آتا ہے |
| سکونِ قلب و جاں ہے مصطفیٰ ﷺ کا دل رُبا چہرہ |
| کبھی زم زم کی ٹھنڈک دے کبھی کوثر کی راحت دے |
| بڑا ہی دل نشیں ہے ، آمنہ کے لال کا چہرہ |
| نہیں تابش کوئی واللہ یہ سورج چاند تاروں میں |
| ہے سب انوار پر غالب ،ترا بدر الدجی چہرہ |
| خدا کی قدرتوں کے ہیں کرشمے اس کی ہر شے میں |
| خدا کی شان کا مظہر ہے یہ قدرت نما چہرہ |
| عتیق ان کے کرم کا ہی نظارہ ہو گا محشر میں |
| تبسم جس گھڑی فرماۓ گا مشکل کشا چہرہ |
معلومات