| راضی سدا خدا ہے میرے حضور سے |
| کونین اک تجلیٰ ہے جن کے نور سے |
| تھی پہلے دہر سے بھی ارواح کی حیات |
| روکا الست نے تھا اِن کو سرور سے |
| کن سے وجودِ ہستی آیا وجود میں |
| آئے دہر میں مرسل موسٰے ہیں طور سے |
| قسمت نے جو دیا ہے سارا ملا وہ یوں |
| آیا زماں یہاں تک اپنے مرور سے |
| آئے حبیبِ داور لائے جو برکتیں |
| اک رابطہ ہے جن کا یومِ نشور سے |
| پہچانِ ذاتِ رب ہے مقصودِ کائنات |
| ناطہ نہیں ہے اس کا حور و قصور سے |
| محمود! کن سے پہلے جو راز تھا چھپا |
| دیکھا دہر نے اس کو آقا کے نور سے |
معلومات