| تو حبیبِ ربِ جلیل ہے |
| تو جمالِ حق سے جمیل ہے |
| تو الوہیت کی دلیل ہے |
| تو حضورِ حق کی سبیل ہے |
| تو نبی ولی کی اصیل ہے |
| تو دعائے قلبِ خلیل ہے |
| تو ہی عافیت كا کفیل ہے |
| تو حبیبِ ربِ جلیل ہے |
| تو ظہورِ حق تو شکور ہے |
| تو رحیم ہے تو غفور ہے |
| تو علیم ہے تو شعور ہے |
| تو شہید ہے تو حضور ہے |
| تو کریم ہے تو صبور ہے |
| تو ہی نور تو ہی طہور ہے |
| تو عروجیت کا مثیل ہے |
| تو حبیبِ ربِ جلیل ہے |
| تو کلیم ہے تو کلام ہے |
| تو سلیم ہے تو سلام ہے |
| یہ جہان تیرے بنام ہے |
| دو جہاں میں تیرا نظام ہے |
| یہ نظام حسنِ تمام ہے |
| جو بلند ہے تیرا نام ہے |
| تو ظہورِ ذاتِ شکیل ہے |
| تو حبیبِ ربِ جلیل ہے |
| جو خدا کا ہے تیرا ہاتھ ہے |
| جو خدا کی ہے تیری بات ہے |
| تیرا خُلق عالی صفات ہے |
| وہ کتابِ حق تیری نعت ہے |
| تو جو معجزوں کی برات ہے |
| تو دلیلِ حق تیری ذات ہے |
| تو ہی رحمتوں کا فضیل ہے |
| تو حبیبِ ربِ جلیل ہے |
| تو شفیعِ روزِ حساب ہے |
| تو کریم عالی جناب ہے |
| تیرا رخ خدا کا حجاب ہے |
| تو ہی ذاتِ حق کا نقاب ہے |
| تو وصالیت کا نصاب ہے |
| تو سوالِ کل کا جواب ہے |
| تو صفات حق کا وکیل ہے |
| تو حبیبِ ربِ جلیل ہے |
| تیرا ذکر وجہِ سکون ہے |
| تیری یاد ردِ فسون ہے |
| تو دفاعِ غم و حزون ہے |
| تیرا اُنس اماں کا ستون ہے |
| تیرا عشق اصلِ جنون ہے |
| یہ جنون قتلِ فتون ہے |
| تو ہی کفر و حق کا عدیل ہے |
| تو حبیبِ ربِ جلیل ہے |
| تو شفیق ہے تو شکیل ہے |
| ہر اک اصل کی تو اصیل ہے |
| تو ہی معرفت میں جلیل ہے |
| تو شریعتوں میں عدیل ہے |
| تو طریقتوں میں فضیل ہے |
| تو حقیقتوں میں مثیل ہے |
| تو مراۃ حق کا نقیل ہے |
| تو حبیبِ ربِ جلیل ہے |
| تو کریم ابنِ کریم ہے |
| تیرا فیض، فیضِ عظیم ہے |
| تیری نعت دادِ نعیم ہے |
| جو شفا عریض و قدیم ہے |
| میں مریض ہوں تو حکیم ہے |
| میرے حال پر تو علیم ہے |
| تو ہی مشکلوں کا سُہیل ہے |
| تو حبیبِ ربِ جلیل ہے |
| تو نبی کریم و رحیم ہے |
| تو ثبوتِ ذاتِ قدیم ہے |
| تو ظہورِ ذاتِ عظیم ہے |
| تو ہی جلوتوں میں وسیم ہے |
| تو ہی خلوتوں میں مقیم ہے |
| تو نبیِ خاص و حریم ہے |
| تیرا عرف رکھتا عقیل ہے |
| تو حبیبِ ربِ جلیل ہے |
| تیرے واسطے ہیں بنے سبھی |
| تیرے دم سے سب کو جِلا ملی |
| تیرے عشق میں ملی بندگی |
| ملی بندگی کو بھی زندگی |
| جو کہ زندگی کی ہے روشنی |
| تو رہی نہ کچھ بھی کہیں کمی |
| تو ہی خلقِ حق کا وصیل ہے |
| تو حبیبِ ربِ جلیل ہے |
| تو منیر ہے تو سراج ہے |
| دو جہاں پہ تیرا ہی راج ہے |
| تیرا عشق دردوں کا تاج ہے |
| تیرا درد خود ہی علاج ہے |
| تو علاج نے رکھی لاج ہے |
| تیرا عشق اعلیٰ مزاج ہے |
| تیرا شیدا میرا خلیل ہے |
| تو حبیبِ ربِ جلیل ہے |
| تیری دید اصلِ علوم ہے |
| تیری دید رد ِّ غموم ہے |
| تو سلوکِ حق کا مفہوم ہے |
| تو ہی معجزوں کا ہجوم ہے |
| تیرا فیض فیضِ عموم ہے |
| تیری عزو شان لزوم ہے |
| تو کلیدِ جملہ قُفیل ہے |
| تو حبیبِ ربِ جلیل ہے |
| تو چُنا ہوا، تو ہے مصطفیٰ |
| تیرے راضی سب تو ہے مرتضیٰ |
| ہے یہ خَلق تیرے ہی نور کا |
| تیرے شیدا انبیا اولیا |
| تیرا شیدا ہوگیا خود خدا |
| میرے مصطفیٰ میرے مصطفیٰ |
| تو جذیب، تو ہی ثقیل ہے |
| تو حبیبِ ربِ جلیل ہے |
| ہم کہیں گے جب یا نبی نبی |
| تو نبی بھی کہتے ہیں امّتی |
| سرِ حشر دیکھے گا ہر کوئی |
| جو گریں گے قدموں میں امّتی |
| ہوگی کالی کملی تنی ہوئی |
| تو یہ رب کہے گا کیا بری |
| تو شفاعتوں کا فعیل ہے |
| تو حبیبِ ربِ جلیل ہے |
| میں ذکیؔ ہوں بندہ ہوں اک ترا |
| میرے باپ دادا ترے گدا |
| میرے والدہ ہیں ترے فدا |
| میرے پیر بھی تیرا آئینہ |
| تیرا آئینہ میرے رہنما |
| جو وسیلہ ہے تیری ذات کا |
| جو کہ ہر ادا کا نقیل ہے |
| تو حبیبِ ربِ جلیل ہے |
معلومات