| روشنی کے سوا اور کیا چاہیے |
| کوزہ گر بس مجھے اک دیا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سانس لینے میں دقت نہ ہو ایک پل |
| غم کے ماروں کو ایسی جگہ چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ان مضافات میں مجھ کو رہنا ہے اب |
| ان پہاڑوں کی ٹھنڈی ہوا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہے کہانی میں جیسا بتایا گیا |
| ہو بہو ایسی ہی اپسرا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کوچ کرنا پڑے گا ترے شہر سے |
| زندگی کو نیا راستہ چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| آرزو ، ہے تمنا ، ہے حسرت مری |
| آنکھ بھر کے اُسے دیکھنا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دینے والے نے سب کچھ دیا ہے مجھے |
| اس جہاں میں مجھے اور کیا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بے وجہ تو نہیں اُس نے ملنا مجھے |
| اُس سے ملنے کو بھی مدّعا چاہیے |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| رنگ بھرنے ہیں مانی کہانی میں اب |
| زندگی مجھ کو تیرا پتہ چاہیے |
معلومات