| آتا ہے مہینوں کا، سلطان مبارک ہو |
| نازل ہوا ہے جس میں، قرآن مبارک ہو |
| خود پر کھلے گا خود کا، برہان مبارک ہو |
| یعنی نبے گا آدمی، انسان مبارک ہو |
| رب کی عطا سے پائیں، گے شان مبارک ہو |
| رمضان مبارک ہو، رمضان مبارک ہو |
| روزوں سے شکم اپنا، مرغوب بنا ڈالو |
| بس علوی صفت کو ہی، مطلوب بنا ڈالو |
| امّارہ صفاتی کو، معتوب بنا ڈالو |
| یوں سفلی صفت کو اب، مغضوب بنا ڈالو |
| مردود ہے جو شیطاں، مغلوب بنا ڈالو |
| شیطان کو صیام کا، زندان مبارک ہو |
| رمضان مبارک ہو، رمضان مبارک ہو |
| روزوں کے تحمُّل سے، اعجاز عطا ہوگا |
| جو صبر کرے اس کو، اعزاز عطا ہوگا |
| درجہ بھی نمایاں اور، ممتاز عطا ہوگا |
| اور علم و معارف کو، ہر راز عطا ہوگا |
| کیا حق ہے، ہے کیا باطل، انداز عطا ہوگا |
| صائم کو عطا ہوگا، فرقان مبارک ہو |
| رمضان مبارک ہو، رمضان مبارک ہو |
| اللہ کی عنایت سے، کیا مرتبہ ہے پایا |
| رمضان ہے جو آیا، رحمت کی گھٹا لایا |
| برسات بھی بخشش کی، رمضان ہے برسایا |
| بھوکے بھی ہے رکّھایا، تشنہ بھی ہے رکّھایا |
| عصیاں کی معافی بھی، غفّار سے دلوایا |
| مالک ہے عطا کرتا، غفران مبارک ہو |
| رمضان مبارک ہو، رمضان مبارک ہو |
| رمضان الَف ماہ کی، عظمت سے سپہانا ہے |
| دل اپنا عبادت سے، مؤمن کو سجانا ہے |
| رمضان کی مجلس تو، کُل ماہ منانا ہے |
| پھر بات ذکیؔ تم کو، اک اور بتانا ہے |
| رمضان کا جانا بھی، تو عید کا آنا ہے |
| پاکیزگی کا حامل، مہمان مبارک ہو |
| رمضان مبارک ہو، رمضان مبارک ہو |
معلومات