دل میں جب روشنی نہیں ہوتی |
آسماں سے وحی نہیں ہوتی |
یوں تو ظاہر ہوئے ہیں شمس و قمر |
دور کیوں تیرگی نہیں ہوتی |
موت آتی نہیں ہے مرضی سے |
ہاتھ میں زندگی نہیں ہوتی |
کیا یہ دعویٰ نہیں خدائی کا |
تم سے کیوں بندگی نہیں ہوتی |
آتشِ عشق جب بھڑکتی ہے |
عقل میں آگہی نہیں ہوتی |
عدل قائم نہ ہو سکے جب تک |
امن اور آشتی نہیں ہوتی |
سب سے لی دشمنی تری خاطر |
تجھ سے ہی دوستی نہیں ہوتی |
طارق اُس سے اگر تعلّق ہو |
پھر تو افسردگی نہیں ہوتی |
معلومات