| یادِ نبی سے زیبا دل کا جہاں رہے |
| مدحت لبوں پہ ان کی ہر دم رواں رہے |
| پیدا ہوئے ہیں جو بھی خلقِ خدا میں خاص |
| ان میں حبیب داور عظمت نشاں رہے |
| ان کی ثنا سنوں میں گردوں میں ہر جگہ |
| جس کی ضیا سے روشن یہ آسماں رہے |
| کوئی عمل جو تابِع سُنت نہیں اگر |
| کاوش لگے وہ کیسی سب رائیگاں رہے |
| میرے نصیب دیکھوں روضہ حبیب کا |
| دائم خیال میں پھر وہ آستاں رہے |
| میں قبر میں بھی نعتیں پیارے کی کہہ سکوں |
| پھر لحد میرے مولا باغِ جناں رہے |
| محمود یہ دعائیں تیری خدا سنے |
| عشقِ حبیب تیرے دل میں جواں رہے |
معلومات