| تیری قدرت کے ہیں منظر سَبھی, سبحن اللہ |
| جھیل, پربت یہ سَمندر سَبھی, سبحن اللہ |
| یہ گُلستاں وہ بہشتِ بَریں ماشااللہ |
| حُسن سے تیرے مُنور سَبھی, سبحن اللہ |
| تیری دنیا تِری شیشہ گری اللہ اللہ |
| تیرے بندے تِرے مظہر, سَبھی سبحن اللہ |
| غنچہ و بادِ سَحر یہ کَلی اللہُ غنی |
| جائے بَن, موجہِ صرصر سَبھی, سبحن اللہ |
| آب و گِل, شمس و قمر, جن و بَشر, پیڑ و حَجر |
| تیری تخلیق حَسیں تر سَبھی, سبحن اللہ |
| آبشاریں یہ رواں چشمے یہ بہتی نہریں |
| یہ بَہاریں یہ گُلِ تر سَبھی, سبحن اللہ |
| برگ و گُل, باغ و ثمر, موجِ شفق رنگِ دَھنک |
| ہیں تِری ذات کے محور سَبھی, سبحن اللہ |
| یہ پرندوں کی صدائیں یہ ہواؤں کی سَنک |
| کہتی پِھرتی ہیں بَرابر سَبھی, سبحن اللہ |
| انبیا و رُسل, اصحابِ نبی, اہلِ بیت |
| آدمیت کے یہ پیکر سَبھی, سبحن اللہ |
| تیری ہی ذات کی کرتے ہیں اُجاگر یہ صِفات |
| صَفِ عرفان کے آزر سَبھی, سبحن اللہ |
| ہو کلیسا کہ صَنم خانہ کہ ہوں دیر و حَرم |
| سب تِرے گھر ہیں تِرے گھر سَبھی, سبحن اللہ |
| صبغت اللہ ہیں شاہؔد یہ چَمن کے سب رنگ |
| یہ اَثر کرتے ہیں دل پر سَبھی, سبحن اللہ |
معلومات