.jpg)
| حِیلے نہ کر اے عاشقا، دِیوانہ بن دِیوانہ بن |
| اَندر دِلے آتش جَلا، پَروانہ بن پَروانہ بن |
| اَپنوں سے تو بیگانہ رہ، دل خَانہ کو ویرانہ کر |
| تُو عاشقوں کے شہر آ، ہم خَوانہ بن ہم خَوانہ بن |
| پہلے مِٹا لے کینہ کو، پاکیزہ کر لے سینہ کو |
| پھر تُو شرابِ عشق کا، پَیمانہ بن پَیمانہ بن |
| گر جان و دل قُرباں کرے، تو لائقِ جاناں بنے |
| جَب سُوئے مَستاں چل پڑا، مَستانہ بن مَستانہ بن |
| وہ بالیاں جو گوش کی، مَعْ عارضِ پُرجوش کی |
| چَمکا دے چہرہ یار کا، دُرْدَانہ بن دُرْدَانہ بن |
| تم جاں کرو گے جب فِدا، شِیریں ہو گا قصّہ تِرا |
| تُو عِشق میں ہو کے فنا، اَفسانہ بن اَفسانہ بن |
| حِرص و ہَوس کے دو قُفل بھی طاقِ دل پر ہیں لگے |
| تُو کُنجئ دو قُفل کا، دَندانہ بن دَندانہ بن |
| گر یاد لَیلِ قَبر ہو، ہر رات لَیلِ قَدر ہو |
| تُو قَدر میں اَرواح کا، کاشانہ بن کاشانہ بن |
| روشن ستوں حَنَّانہ بھی ہےمصطفٰی کے نور سے |
| لکڑی سے تُو کم ہے کیا، حَنَّانہ بن حَنَّانہ بن |
| تحفوں سے کیسے ہو ادا شُکرانہ جامِ عشق کا |
| تُو چھوڑ زَر،خُود آگے آ،شُکرانہ بن شُکرانہ بن |
| پَہلے پَہل ارکان تھے پھر تم بُتِ حیوان تھے |
| اب تُو اگر ہے جاں بنا، جَانانہ بن جَانانہ بن |
معلومات