| کھرے کردار سے پردہ، کُشا عُزلت میں ہوتا ہے |
| کبھی ثروت میں ہوتا ہے، کہیں غربت میں ہوتا ہے |
| ذرا سے فاصلے پے دَشت، نخلستان دِکھتا ہے |
| کھرے کھوٹے میں واضح فرق، بس قُربت میں ہوتا ہے |
| اگر سب متفق ہیں جھوٹ پر گویا کہ سچ ہے وہ |
| یہ ہے دَستور ظُلمت کا کہ وہ کثرت میں ہوتا ہے |
| بدل جرات سے دے بازی، کہیں افسوس رہ جائے |
| اہم تر فیصلہ چونکہ بہت عُجلت میں ہوتا ہے |
| مشینیں کرتی ہیں یکجا، بڑی سُرعت سے پُرزوں کو |
| مگر تخلیق ہر زی رُوح تو فُرصت میں ہوتا ہے |
| شِکم انجم میں پلتے ہیں عناصر زندگی صدیوں |
| سفر کیوں زندگانی کا ختم تُربت میں ہوتا ہے |
| فقط انفاق ہے کافی سبب تخریبِ کَشتی کا |
| اگرچہ مِؔہر خود ایذاں رسا کلفت میں ہوتا ہے |
معلومات