.jpg)
| جب عشق کی ملتی ہے خیرات مسلسل |
| ان آنکھوں سے ہوتی ہے برسات مسلسل |
| رندوں کو ملا ہے جامِ عشقِ محمدﷺ |
| ہے ساقئ کوثر ﷺ کی خیرات مسلسل |
| دیوانہ مچلتا ہے بر آتشِ سینا |
| جب ذات میں آتی ہے وہ ذات مسلسل |
| رہتا ہے ہمیں حُسنِ جاناں کا تصور |
| آنکھوں کی ہے آنکھوں سے ملاقات مسلسل |
| ہو دیدَہِ بینا تو ہے جلووں کا تسلسل |
| رندی میں یہ ہوتی ہے سوغات مسلسل |
| دے وسعتِ رندانہ ہر جام سے پہلے |
| پھر شوق سے کر بادہ کی برسات مسلسل |
| دامن ہی مرا کم ہے، کیسے میں سمیٹوں |
| اک رند کی مجھ پر ہیں عنایات مسلسل |
معلومات