| لب کھولنے سے پہلے ذرا یہ خیال ہو |
| ایسا نہ کچھ کہو کہ تمہں پھر ملال ہو |
| موقع ملا ہے اس کو گنواؤ نہ اس طرح |
| ایسا تم کر دکھاؤ کہ جو بے مثال ہو |
| پکڑو عزیز جاں سے بھی کردار کو سبھی |
| انگلی کوئی اٹھے نہ کوئی سوال ہو |
| وقتی خوشی کو پانے کو ایسا نہ کچھ کرو |
| دلدل ہو جس میں پھنسنے کا پھر احتمال ہو |
| محنت کیے بغیر کچھ ہاتھ آئے گر کبھی |
| یہ دیکھ لو کہ کوئی نہ دشمن کی چال ہو |
| دانائی پر تمھاری مجھے کوئی شک نہیں |
| یوں ہے کہ تم ابھی ذرا کچھ خوردسال ہو |
معلومات