| محبت ہے لازم، ضروری مدینہ |
| وہی تو مدینہ ہے، نوری مدینہ |
| برستے ہیں بادل کرم کے جہاں پر |
| خطاؤں کی بخشش بھی ملتی وہاں پر |
| ترستی ہیں آنکھیں جسے دیکھنے کو |
| ہر اک دل کی خواہش جسے چومنے کو |
| اجالے سے چمکا ہے جس کے زمانہ |
| وہی ہے مدینہ، سبھی کا ٹھکانا |
| نظر جس پہ جائے، وہی باغِ جنت |
| مدینے کا منظر، ہے اللّٰہ کی نعمت |
| نبیؐ کا تصور، نبیؐ کا مدینہ |
| ہے راحت کا مرکز، سکوں کا خزینہ |
| خطاکار آتے ہیں آنکھیں جھکا کر |
| تو جاتے ہیں راضی، خدا کی رضا پر |
| یہاں پر زمانے کی ہر ایک نعمت |
| کہ پوری یہاں ہو سبھی کی ضرورت |
| جہاں پر فرشتے جھکاتے ہیں سر کو |
| سلامی ہو جیسے کسی تاجور کو |
| ہمارا غموں میں سہارا مدینہ |
| محبت، محبت ہے پیارا مدینہ |
| محبت ہے لازم، ضروری مدینہ |
| وہی تو مدینہ ہے، نوری مدینہ |
معلومات