| سبز گنبد کے مکیں تک آ گیا |
| آسماں دیکھو زمیں تک آ گیا |
| چاند چھپ جائے گا آقا جب کبھی |
| آپ کے نورِ جبیں تک آ گیا |
| رک گئے سدرہ پہ جبریلِ امیں |
| اور وہ پردہ نشیں تک آ گیا |
| حسنِِ یوسف رہبری کے واسطے |
| آپکی زلفِ حسیں تک آ گیا |
| چھو کے دکھلائیں مجھے اب غم کہ میں |
| پاسبانِ عالمیں تک آ گیا |
| جنبشِ ابرو پہ سورج کا طلوع |
| عشق یوں بامِ یقیں تک آ گیا |
| خاکِ پائے مصطفٰی آنکھوں میں ہے |
| قافِلہ خلدِ بریں تک آ گیا |
| گردشیں دم توڑ جاتی ہیں جہاں |
| خوش مقدر میں وہیں تک آ گیا |
| کیوں نہ حیدر ہو سخن اب لازوال |
| ذکرِ شاہِ مرسلیں تک آ گیا |
معلومات