| مجھ کو درِ رسول کی الفت نصیب ہو |
| دربار نور کی مجھے قربت نصیب ہو |
| تیری رضا کے واسطے ہر کام ہو مرا |
| اللہ مجھے خلوص کی دولت نصیب ہو |
| روشن ہو دل درود کی خوشبو سے ہر گھڑی |
| اس ورد بے مثال کی عادت نصیب ہو |
| ڈوبا رہوں میں آپ کی مدحت میں صبح و شام |
| آقا تمہاری یاد سے راحت نصیب ہو |
| روضہ ہو میرے سامنے جب بھی نظر اٹھے |
| آنکھوں کو بار بار یہ لذت نصیب ہو |
| دنیا کی ہر طلب سے رہے دل یہ بے نیاز |
| عشقِ رسول پاک کی دولت نصیب ہو |
| رحمت اگر قبول کرے کیا بعید ہے |
| تجھ کو عتیق ان کی شفاعت نصیب ہو |
معلومات