| دونوں جہاں ہیں غلامِ محمد |
| صل اللہ علیہ و سلم |
| ہر سو گونجے نامِ محمد |
| صل اللہ علیہ و سلم |
| فکرِ بشر ہے کون و مکاں تک |
| پہنچے نہ عقلِ انساں وہاں تک |
| پہنچے جہاں پر گامِ محمد |
| صل اللہ علیہ و سلم |
| مانے کوئی یا کوئی نہ مانے |
| ان کا مقام نہ انساں جانے |
| اللہ جانے مقامِ محمد |
| صل اللہ علیہ و سلم |
| قولِ خدا کا فرض نبھائیں |
| انسِ رسول پہ جان لٹائیں |
| کرتے رہیں اکرامِ محمد |
| صل اللہ علیہ و سلم |
| ان سے ہی تو ہے دین اور ایماں |
| کہتی ہے یہ آیتِ قرآں |
| قولِ خدا ہی کلامِ محمد |
| صل اللہ علیہ و سلم |
| ایک خدا سے ہم کو ہے ڈرنا |
| اس کے لئے ہی جینا مرنا |
| عام کریں پیغامِ محمد |
| صل اللہ علیہ و سلم |
| مٹ گئے کتنے مٹتے رہیں گے |
| حق سے باطل پٹتے رہیں گے |
| حق پر ہے اسلامِ محمد |
| صل اللہ علیہ و سلم |
| اترے فرشتے پر پھیلائے |
| روز و شب رحمت برسائے |
| نوری صبح و شامِ محمد |
| صل اللہ علیہ و سلم |
| شام و سحر دن رات تڑپنا |
| ظلم سے ناحق مال ہڑپنا |
| یہ تو نہیں احکامِ محمد |
| صل اللہ علیہ و سلم |
| دونوں جہاں ہیں غلامِ محمد |
| صل اللہ علیہ و سلم |
| ہر سو گونجے نامِ محمد |
| صل اللہ علیہ و سلم |
معلومات