| سخی نورِ یزداں کرم ہو تمہارا |
| مقدر مدینے میں چمکے خدارا |
| بلاوا مدینے سے آئے نبی کا |
| کرم سے حزیں کو ملے یہ اشارہ |
| ہوں فریاد لایا حسیں در پہ تیرے |
| میں بردہ ہوں تیرا تو آقا ہمارا |
| مرورِ زماں سے میں روندا گیا ہوں |
| پریشاں ہوں داتا غموں کا ہوں مارا |
| اے فیاض ہادی غنی دو جہاں کے |
| شہا فیض تیرا کرم کا ہے دھارا |
| کہاں دیکھتا ہے تو اپنا پرایا |
| سخی جانِ رحمت تو میرا سہارا |
| اے داتا عطا کے عجب دان تیرا |
| حزیں نے سدا ہے تجھے ہی پکارا |
| جہانوں میں یکتا ہے دربار تیرا |
| ہے محمود کو بھی اسی در سے یارا |
معلومات