| غزلِ مسلسل کا پہلا حصہ |
| اس دور میں ہو کیسے اقدار کی تلاش |
| اخلاص ڈھونڈنا ہے بے کار کی تلاش |
| کرلیں تلاش ہم سے بہتر اگر ملے |
| پوری نہ ہوگی لیکن سرکار کی تلاش |
| رہتی ہے ہم کو زینتِ دنیا کی جستجو |
| چُوڑی کی، جھانجنوں کی، جھنکار کی تلاش |
| ہر دل کی ہے ضرورت ہر دل کی آرزو |
| لطف و کرم کی چاہت اور پیار کی تلاش |
| خانہ خراب کر کے دنیا کا یہ بشر |
| کرتا ہے اب نئے کسی سنسار کی تلاش |
| ایسے بھی ہیں جو اپنے ہاتھوں سے توڑ کے |
| کرتے ہیں پھر وہ اک نئے پندار کی تلاش |
| تکرار کی ہو یا پھر اِصرار کی تلاش |
| کردی ہے ترک ہم نے ہر بار کی تلاش |
| طاہرہ مسعود المعروف بادِ صبا |
| 16 ستمبر 2022 |
معلومات