| اگر کج رو ہیں انجم آسماں تیرا ہے یا میرا |
| مجھے فکرِ جہاں کیوں ہو جہاں تیرا ہے یا میرا |
| اگر ہنگامہ ہائے شوق سے ہے لا مکاں خالی |
| خطا کس کی ہے یا رب لا مکاں تیرا ہے یا میرا |
| اسے صبحِ ازل انکار کی جرأت ہوئی کیوں کر |
| مجھے معلوم کیا وہ رازداں تیرا ہے یا میرا |
| محمد بھی ترا جبریل بھی قرآن بھی تیرا |
| مگر یہ حرف شیریں ترجماں تیرا ہے یا میرا |
| اسی کوکب کی تابانی سے ہے تیرا جہاں روشن |
| زوالِ آدمِ خاکی زیاں تیرا ہے یا میرا |
بحر
|
ہزج مثمن سالم
مفاعیلن مفاعیلن مفاعیلن مفاعیلن |
اشعار کی تقطیع
تقطیع دکھائیں
معلومات