| دلِ ناداں تجھے ہوا کیا ہے؟ |
| آخر اس درد کی دوا کیا ہے؟ |
| ہم ہیں مشتاق اور وہ بےزار |
| یا الہی یہ ماجرا کیا ہے؟ |
| میں بھی منہ میں زبان رکھتا ہوں |
| کاش پوچھو کہ مدّعا کیا ہے |
| جب کہ تجھ بن نہیں کوئی موجود |
| پھر یہ ہنگامہ اے خدا کیا ہے؟ |
| یہ پری چہرہ لوگ کیسے ہیں؟ |
| غمزہ و عشوہ و ادا کیا ہے؟ |
| شکنِ زلفِ عنبریں کیوں ہے |
| نگہِ چشمِ سرمہ سا کیا ہے؟ |
| سبزہ و گل کہاں سے آئے ہیں؟ |
| ابر کیا چیز ہے؟ ہوا کیا ہے؟ |
| ہم کو ان سے وفا کی ہے امّید |
| جو نہیں جانتے وفا کیا ہے؟ |
| ہاں بھلا کر ترا بھلا ہوگا |
| اَور درویش کی صدا کیا ہے؟ |
| جان تم پر نثار کرتا ہوں |
| میں نہیں جانتا دعا کیا ہے؟ |
| میں نے مانا کہ کچھ نہیں غالبؔ |
| مفت ہاتھ آئے تو برا کیا ہے |
بحر
|
خفیف مسدس مخبون محذوف مقطوع
فاعِلاتن مفاعِلن فِعْلن |
||
|
خفیف مسدس مخبون محذوف مقطوع
فَعِلاتن مفاعِلن فِعْلن |
||
|
خفیف مسدس مخبون محذوف
فاعِلاتن مفاعِلن فَعِلن |
||
|
خفیف مسدس مخبون محذوف
فَعِلاتن مفاعِلن فَعِلن |
اشعار کی تقطیع
تقطیع دکھائیں
معلومات